呢段路我行過好多次，每次都係由陽明山莊(第五至八)或山頂(第一至八)開始行，每次都要行足一日，今次是第一次由土地灣開始，路程真係短好多，無計啦﹗因為傷膝 + 太耐沒有行山，不宜去得太盡，今次主要係看看自己現在的能力﹗
有好幾年沒有行這段路，而家段路過往最危險的那段落斜竟然鋪晒梯級，攪到毫無難度，有點失望﹗
原本正常步速三小時、快則可以 2 小時完成的路程我們竟然用了差不多四小時才完成，最大原因並不是我的傷膝，而是大家都掛住影相﹗哈哈﹗
龍脊係一段唔難行但風景很優美的路線，大家有時間不妨也行番轉﹗
當天因為陽光太猛烈，加上我的攝影技術真係麻麻地，所以影出來的效果無同行友人咁好，嘻嘻﹗
